Flik "Barselona" penalti tepayotganda nima uchun maydonga qaramasligini tushuntirdi
"Barselona" bosh murabbiyi Xans-Diter Flik nima uchun futbolchilarining penalti tepishlarini ko‘rmasligini tushuntirdi.
La Liganing yakshanba kuni bo‘lib o‘tgan "Sevilya"ga qarshi o‘yinining 24-daqiqasida Robert Levandovski penalti tepishiga yaqinlashdi – polshalik aniq zarba yo‘llab, raqiblarning yirik mag‘lubiyatini (5:1) boshlab berdi.
"Nega penalti tepganimizda maydonga qaramayman? Bilmayman. Men birinchi marta shunday qilganimda biz gol urdik. Endi bu odat bo‘lib qoldi", - deya savolga tabassum bilan javob bergan Flikdan iqtibos keltiradi Barca Universal.
