"Real Madrid" Vinisius bilan muzokara o‘tkazadi

"Real" vakillari va hujumchi Vinisius Junior o‘rtasida muzokaralar bo‘lib o‘tadi. Bu haqda Marca nashri jurnalistlari xabar bermoqda.

Manbaga ko‘ra, "qirollik" klubi rahbariyati braziliyalik forvard bilan hamkorlikni uzaytirishdan manfaatdor. Tomonlar o‘rtasidagi amaldagi shartnoma 2027 yilning yozida yakuniga yetadi. Juniorning shartnomasida milliard yevroga sotib olish varianti bor.

Ispaniya chempionatining joriy mavsumida hujumchi 11 ta o‘yin o‘tkazib, 5 ta gol va 4 ta golli uzatmani amalga oshirdi.