"Real Madrid" "Oltin to‘p" tashkilotchilari bilan munosabatlarni uzdi

"Real Madrid" "Oltin to‘p"ni topshirish marosimi tashkilotchilari, xususan France Football jurnali bilan aloqalarini Vinisius Junior nufuzli sovrinni qo‘lga kirita olmaganidan so‘ng uzdi. Bu haqda Marca xabar bermoqda.

Manbaga ko‘ra, "Qirollik klubi" UEFA bilan o‘yinlar tashkil etishdan tashqari har qanday aloqani istisno qilgan. "Real Madrid" Vinisius endi "Oltin to‘p"ni olishi dargumon, deb hisoblamoqda, braziliyalik futbolchining o‘zi esa bu sovrinni olish uchun yana nima qilish kerakligini tushunmayapti.