"Real"ning yagona vakili ham "Oltin to‘p"ni topshirish marosimiga kelmagani ma’lum bo‘ldi

Emilio Butragenyo "Real" vakili sifatida "Oltin to‘p"ni topshirish marosimiga kelmagan.

Madrid klubi direktori France Football mukofotlarini topshirish marosimida yakka o‘zi klub nomidan qatnashishi haqida avvalroq xabar berilgan edi. Marosim bugun Parijdagi "Sharli" teatrida bo‘lib o‘tadi.

EFE nashri xabariga ko‘ra, Madridning "Real" klubi "Oltin to‘p"ga asosiy da’vogar "Manchester Siti"dan Rodri ekanligini va aynan u mukofotni olishini bilgan.

Madridliklar Vinisius Junior yoki Dani Karvaxalning mukofotni olmasliklarini hurmatsizlik deb hisobladi va shu sababdan Emilio Butragenyo Parijga "Oltin to‘p" topshirish marosimiga bormadi.