Bosh: "Ayaks" bizni hech qanday alohida narsa bilan ajablantirmadi"

Niderlandiya chempionatida o‘n birinchi tur o‘yinlari bo‘lib o‘tdi, ikki yetakchi – "PSV" va “Ayaks” bunda o‘zaro to‘qnash keldi.

Bungacha "PSV" barcha 10 uchrashuvda g‘alaba qozongan bo‘lsa, bu safar mag‘lubiyatga uchradi – amsterdamliklarga omad kulib boqdi va irodali g‘alabaga erishdi.

O‘yindan so‘ng "PSV" bosh murabbiyi Peter Bosh raqiblar haqli ravishda g‘alaba qozonganini tan oldi.

"O‘ylaymanki, biz birinchi bo‘limda maydon o‘rtasida pressing bo‘yicha juda yomon o‘ynadik. Ko‘p o‘zgarishlar bo‘ldi, temp ancha past edi.

"Ayaks" bizni hech qanday alohida narsa bilan ajablantirmadi, lekin ular g‘alabaga loyiq edilar", - dedi Bosh.