Kimmix 5 yanvar kuni qaror qilishi kerak edi
"Bavariya" yarim himoyachisi Joshua Kimmix faoliyatini qayerda davom ettirishi haqida hali bir qarorga kelmagan. 29 yoshli futbolchining shartnomasi 6 oydan keyin yakuniga yetadi.
Jurnalist Florian Plattenbergning yozishicha, Rojdestvo oldidan “Bavariya” rahbariyati Kimmixdan kelajagi haqida 5 yanvargacha javob berishni so‘ragan.
Klub futbolchiga ultimatum qo‘ymagan, ammo belgilangan muddatgacha undan javob eshitishini kutgan. Iltimosga qaramay, yarim himoyachi haligacha myunxenliklar jamoasini o‘z qarori haqida xabardor qilmagan.
