"Monako" "Arsenal" tarbiyalanuvchisini o‘z safiga qo‘shib oldi

"Monako" Londonning "Arsenal" akademiyasining iqtidorli bitiruvchisining transferini yakunladi.

Insayder Fabrisio Romano bergan ma’lumotlarga ko‘ra, Avstriyaning "Shturm" klubining 21 yoshli hujumchisi Mika Biyeret "Monako"ga o‘tadi. Klublar uning transferi borasida kelishuvga erishgan. Qayd etilishicha, futbolchini tibbiy ko‘rikdan o‘tkazish 10 yanvar, juma kuniga belgilangan.

Joriy mavsumda Mika Biyeret klub safida barcha musobaqalarda 25 ta o‘yinda maydonga tushib, 14 ta gol urdi va 5 ta golli uzatmani amalga oshirdi.