Slot: "Raqib bizga qarshi finaldagidek o‘ynaydi"

"Liverpul"ning Angliya kubogining uchinchi bosqichidagi raqibi "Akrington Stenli" bo‘ladi. Bu jamoa to‘rtinchi divizionda o‘ynaydi. Mersisaydliklar jamoasi ustozi Arne Slot bo‘lajak o‘yin haqida gapirdi.

"Har bir jamoa uchun bizga qarshi o‘yin alohida voqea. Lekin ayniqsa quyi divizion jamoasi uchun. Demak, raqib bunga tayyor bo‘ladi. Ehtimol, ular bu o‘yin uchun haftalar davomida yashashgan.

"Akrington Stenli" uchun bu o‘yin Chempionlar ligasi finaliga o‘xshaydi va biz bundan xabardor bo‘lishimiz kerak. Bunday uchrashuvlardagi 10 ta holatdan 9 tasida eng qiyini birinchi 25 daqiqa bo‘lib, raqib juda shiddatli o‘ynaydi", dedi Slot.