"Yuventus" "Barsa" himoyachisiga ko‘z tikkan
"Barselona" markaziy himoyachisi Ronald Arauxoga "Yuventus" qiziqish bildirmoqda.
A Seriya grandi 26 yoshli "Barsa" futbolchisi haqida ma’lumot so‘ragan, deya xabar beradi jurnalist Alfredo Pedulla.
"Barselona" urugvaylik futbolchi borasida hali yakuniy qarorga kelgani yo‘q. Xabaringiz bor, Kataloniya klubi u bilan shartnomani uzaytirishga tayyor, biroq hozircha kelishuvga erishilmagan.
Ronald Arauxo iyul oyida olgan jarohatidan yaqinda tuzaldi, ammo bu mavsumda hali o‘yinda maydonga tushmadi.
