Kostakurta sobiq jamoadoshiga javob qaytardi
Alessandro Kostakurta Taribo Uestning u va Paolo Maldini haqida aytgan so‘zlariga javob berdi.
"Milan"ning sobiq himoyachisi va hozirda diniy ruhoniy hisoblangan Taribo Uest bir necha yil oldin bergan intervyusida shunday degandi:
"Men Paolo Maldini va Alessandro Kostakurtadan kuchliroq edim, ammo murabbiy [Alberto Zakkeroni] doim bu ikkisiga tayangan.
Nega deb hayronman. Maldinining jarohati tufayli asosiy tarkibga tushirilganimda, men yaxshi o‘ynadim va hatto maqtovga sazovor bo‘ldim, lekin kimdir norozi bo‘lib, yakunda meni zaxira o‘rindig‘iga qaytarishdi".
So‘nggi kunlarda ushbu intervyu internetda tarqaldi va Kostakurta ijtimoiy tarmoqlarda "Milan"dagi sobiq jamoadoshiga javob berishga qaror qildi.
"Hurmatli Taribo, ehtimol Kostakurtadan kuchliroqdirsiz, lekin Maldini haqida bir o‘ylab ko‘ring" deb yozgan Kostakurta.
