"Milan" afsonasi "Inter" Chempionlar ligasida g‘alaba qozonishi mumkinligiga ishonmoqda
"Milan"ning mashhur sobiq futbolchisi Alessandro Kostakurta "Inter"ning Chempionlar ligasida muvaffaqiyat qozonish imkoniyatlarini yuqori baholadi. Simone Indzagi shogirdlari “RB Leypsig”ni mag‘lub etdi (1:0) va besh turdan keyin 13 ochko bilan umumiy bosqich turnir jadvalida peshqadamlik qilyapti.
"Bugun oqshom "Inter" o‘yinida hamma gapiradigan qiyinchiliklarni ko‘rmadim. Ha, ular biroz chuqurroq himoyalanishdi. Menimcha, shunday "Inter" Chempionlar ligasida g‘alaba qozonishi mumkin", - dedi Kostakurta.
Keyingi turda “neradzurrilar” safarda “Bayer”ga qarshi bahs olib boradi. Uchrashuv 10 dekabr kuni bo‘lib o‘tadi.
