"Barselona"ning muhim futbolchisi jarohatidan qaytishga yaqin turibdi

"Barselona" markaziy himoyachisi Ronald Arauxo tez orada jamoaga qaytadi.

Amerika kubogining iyul oyidagi o‘yinida olgan jarohati tufayli urugvaylik futbolchi hali bu mavsumda "ko‘k-anorranglilar" safida hali o‘ynamagan. Mundo Deportivo ma’lumotlariga ko‘ra, joriy oyning o‘zida Arauxo ilk bor "Barselona"ning qaydnomasiga kiritilishi mumkin. 25 yoshli markaziy himoyachi 30 noyabr kuni bo‘lib o‘tadigan La Liga doirasidagi "Las-Palmas"ga qarshi o‘yinda zaxira o‘rindig‘ida o‘tirishi mumkin.

Ronald Arauxo 2019 yilda debyut qilganidan beri barcha turnirlarda Kataloniya grandida jami 150 ta o‘yin o‘tkazgan.