Amorimning uzun seriyasi uzildi
"Manchester Yunayted" bosh murabbiyi Ruben Amorim uzoq vaqtdan beri ilk bor o‘z maydonidagi o‘yinda mag‘lubiyat alamini totib ko‘rdi.
Shanba kuni bo‘lib o‘tgan APL doirasidagi o‘yinda "mankunianliklar" o‘z maydonida "Nottingem Forest"ga imkoniyatni boy berishdi - 2:3.
Bu “qizil iblislar”ning portugal boshqaruvidagi “Old Trafford”dagi ilk omadsizligiga aylandi.
Bundan tashqari, BBC ta’kidlaganidek, Amorim uchun bu mag‘lubiyat chempionatdagi uy o‘yinida 22 oy ichida - 2023 yilning fevralidan beri birinchisi bo‘ldi.
O‘shanda murabbiy boshchiligidagi Lissabonning “Sporting” klubi “Portu”ga yutqazgandi (1:2).
E’tiborli tomoni shundaki, o‘sha paytdan boshlab bugungacha Amorim jamoalari o‘z maydonida 23 ta o‘yinda g‘alaba qozona olishgan.
