Palmer – Premyer-ligada oyning eng yaxshi futbolchisi

Koul Palmer Premyer-ligada oyning eng yaxshi futbolchisi deb topildi.

Sentyabr oyida "Chelsi" yarim himoyachisi 4 uchrashuvda 5 ta gol urdi va bitta golli uzatmani amalga oshirdi.

Palmer Xarvi Barns, Luis Diaz, Rayan Gravenberx, Raul Ximenes , Duayt Makneyl va Olli Uotkinsni ortda qoldirdi.

Palmer bu sovringa ikkinchi marta ega chiqdi. Birinchisi 2024 yil aprelida berilgan edi.