Klubi yo‘q yulduzlar

Bir qator futbolchilar bu mavsumda shartnomalarsiz qolmoqda. Ular qatorida hammaga ma’lum yulduzlar ham mavjud. Keling ularni ko‘rib chiqamiz.

Serxio Ramos

38 yoshli Ramosning so‘nggi klubi "Sevilya" bo‘lgan, shartnoma shu yozda yakunlangan va o‘tgan mavsumda himoyachi andalusiyaliklar safida barcha turnirlarda 37 ta o‘yin o‘tkazib, 7 ta gol va bitta golli uzatmani amalga oshirgan.

Simon Kyer

Yana bir markaziy himoyachi, 35 yoshli Simon Kyer klubdagi to‘rt yillik faoliyatidan so‘ng may oyi oxirida "Milan" bilan xayrlashdi.

Keylor Navas

Uch karra Chempionlar ligasi g‘olibi 2024 yilning may oyida "PSJ"ni tark etishini e’lon qildi.

Joel Matip

33 yoshli kamerunlik futbolchiga har doim jarohatlar to‘sqinlik qilgan, o‘tgan mavsumda u 2023 yilning 3 dekabridan beri o‘ynamagan. 2024 yilning may oyida esa "Liverpul" futbolchi bilan xayrlashayotganini tasdiqlagan.

Mario Balotelli

Janjalkash hujumchi o‘tgan mavsumni Turkiyada “Adana Demispor” jamoasida o‘tkazdi. Ammo turk klubi 34 yoshli hujumchi bilan shartnomani uzaytirmadi.

Loris Karius

Mashhur darvozabon endigina 31 yoshida lekin ishsiz! Kariusning oxirgi klubi "Nyukasl" edi.