"Yuventus" futbolchisi muvaffaqiyatli operasiya qilindi

"Yuventus" seshanba kuni ertalab Kolumbiya terma jamoasi futbolchisi Xuan Kabalning tizzasidan muvaffaqiyatli operasiya qilinganini tasdiqladi.

Kabal noyabr oyidagi xalqaro tanaffus vaqtida Kolumbiya terma jamoasi safida o‘ynab, tizzasidan jarohat olgandi.

Seshanba kuni ertalab u Lionda operasiya qilindi, bu haqda "Yuventus" o‘z veb-saytida rasmiy bayonot bilan ma’lum qildi. Futbolchi yaqin kunlarda faoliyatini qayta tiklash maqsadida reabilitasiya jarayonini boshlaydi.

U "Yuventus" bilan dastlabki to‘qqizta o‘yinda bitta golli uzatmani amalga oshirdi.