Anchelotti: "Trent qishda tarkibimizga kelmaydi"

Himoyachi Trent Aleksander-Arnold kelasi yili "Liverpul"ni tark etib, "Real"ga o‘tishi haqida mish-mishlar tarqaldi.

Madridliklar Dani Karvaxalning jiddiy jarohati fonida qishdayoq angliyalik futbolchini qo‘lga kiritish istagi borligi haqida ma’lumotlar bor edi.

Relevo nashri xabariga ko‘ra, Madridning "Real" klubi qishki transfer oynasida Trentni qo‘lga kiritish urinishlaridan voz kechgan. Madrid klubi yanvar oyida "Liverpul" tarbiyalanuvchisini olishga urinishlar befoyda ekanini tushundi.

Manba bergan xabarga ko‘ra, "Real Madrid" bosh murabbiyi Karlo Anchelotti qishki transferlar bo‘lmasligini tan olgan. "Los Blankos" mavsum yakunlanganidan keyin, ya’ni yozda tarkibni kuchaytiradi.