Vinisius irqchilik haqida: "Men Ispaniyada juda ko‘p azob chekdim"

Vinisius Junior La Ligada irqchilikka qarshi kurash borasidagi yutuqlarni qayd etdi.

"Oxirgi uch oy ichida biz uch-to‘rt kishini qamoq jazosiga hukm qilishga va sodir etgan jinoyatlari uchun javob berishga muvaffaq bo‘ldik.

Biz to‘g‘ri yo‘ldamiz. Men Ispaniyada o‘ynayapman, u yerda juda ko‘p azob chekdim va ba’zida hali ham azob chekaman. Hozir, albatta, ozroq darajada klublar va irqchilikka qarshi kurashda qo‘lidan kelgan barcha ishni qilayotganlarga rahmat. Braziliya futbol konfederasiyasi ham shunday qiladi", - dedi "Real" va Braziliya terma jamoasi vingeri.