Gakpo «Liverpul» uchun ilk bor YECHLda gol urdi

«Liverpul» qanot hujumchisi Kodi Gakpo UYEFA Chempionlar ligasining 4-tur o‘yinida «Bayer»ga qarshi gol urdi.

O‘yinning 63-daqiqasida niderlandiyalik futbolchi Muhammad Salohning assistidan foydalanib, to‘pni darvozaga kiritdi. O‘yinda mersisaydliklar 4:0 hisobida g‘alaba qozonishdi.

25 yoshli futbolchi uchun bu Chempionlar ligasida «Liverpul» safida urilgan birinchi gol bo‘ldi. Gakpo 2023 yilning yanvar oyidan beri Angliya klubida to‘p tepmoqda.

Bu niderlandiyalik futbolchi uchun ketma-ket 3-o‘yin bo‘lib, unda gol urdi. Bu mavsumda u 16 ta o‘yinda 6 ta gol urdi va 2 ta golli uzatma berdi.