«Siti» Grilish bilan xayrlashishga tayyor

«Manchester Siti» 2025 yilda jamoaga yangi futbolchiga joy bo‘shatish uchun yarim himoyachi Jek Grilish bilan xayrlashishga tayyor, deb xabar bermoqda "TeamTalk".

Amaldagi Premyer-liga chempionlari futbolchini sotib yuborishga qaror qilishdi. Barcha tomonlar mavsum oxirida xayrlashish hamma uchun ma’qul bo‘lishiga kelishib oldilar.

Klub futbolchining «shaharliklar» safidagi ahamiyati pasayib borayotgani fonida uning jamoadagi roliga shubha bilan qaragan.

Aytishlaricha, futbolchining o‘zi ham «Siti»ni tark etish haqida o‘ylab ko‘rishga tayyor, chunki u muntazam o‘yin amaliyotiga ega bo‘lishni va zaxirada o‘tirmaslikni istaydi.