Van Nistelroy Amorimning murabbiylik darajasini yuqori baholadi

"Manchester Yunayted" bosh murabbiyi vazifasini bajaruvchi Rud van Nistelroy jamoaning bo‘lajak murabbiyi haqida o‘z fikrlari bilan o‘rtoqlashdi.

Niderlandiyalik o‘z vatandoshi Erik ten Xag ishdan bo‘shatilgandan so‘ng vaqtincha bosh murabbiy bo‘ldi. Van Nistelroy qo‘l ostida "qizil iblislar" yana ikkita o‘yin o‘tkazadi va noyabr oyining ikkinchi yarmida jamoani Ruben Amorim boshqaradi.

"Men Amorim bilan yaqinroq tanishishni intiqlik bilan kutyapman. Ruben - Portugaliyada o‘zini yaxshi ko‘rsatgan iqtidorli yosh murabbiy. U uzoq vaqt davomida muvaffaqiyatga erishdi. Mening asosiy maqsadim klubga yordam berishda davom etish", - deya javob qaytardi Van Nistelroy.