Van Nistelroyning "Manchester Yunayted"dagi kelajagi ma’lum

"Manchester Yunayted"ning vaqtinchalik murabbiyi Rud van Nistelroy jamoada qolishi dargumon. Klub dushanba kuni Erik ten Xagni ishdan bo‘shatilganini e’lon qildi. Bosh murabbiy o‘rnini vaqtincha sobiq yordamchisi Van Nistelroy egalladi.

Tez orada ma’lum bo‘ldiki, "qizil iblislar" allaqachon yangi murabbiy bilan kelishib olishgan. Jurnalist Jeyson Bertning fikricha, yangi doimiy murabbiy tayinlangach, van Nistelroy darhol klub bilan xayrlashadi.

Niderlandiyalik murabbiy Amorim shtabiga qo‘shilmaydi. Rud van Nistelroy shu yilning iyul oyida “Manchester Yunayted”ga qaytgan edi.