Anchelotti nima uchun Tchuameniga asosiy tarkibda imkon bermadi?
Madridning “Real” klubi bosh murabbiyi Karlo Anchelotti Chempionlar ligasi doirasida Dortmundning “Borussiya”siga qarshi tanlagan tarkibi haqida gapirdi.
"Los-Blankos"ning asosiy tarkibida Eduardo Kamavinga yoki Aureliyen Tchuameni uchun joy yo‘q edi, bu haqda jurnalistlar murabbiydan so‘rashdi.
“Kamavinga va Tchuameni? Men futbolchilarga ortiqcha bosim yuklamoqchi emasman. Tchuameni xalqaro tanaffus vaqtida Fransiya terma jamoasi safida ikkita to‘liq o‘yin o‘tkazdi, buning o‘zi yetarli", - deya Anchelottining o‘yindan oldingi intervyusidan iqtibos keltirdi Madrid Xtra.
