Ryudiger "Real"dagi raqobatdan qo‘rqmaydi

Madridning “Real” klubi markaziy himoyachisi Antonio Ryudiger jamoani tark etish niyatida emas. "Los-Blankos" rahbarlari kelasi yozda himoyani jiddiy ravishda kuchaytirish niyatida.

TEAMtalk ma’lumotlariga ko‘ra, raqobat Ryudigerni qo‘rqitmaydi. 31 yoshli germaniyalik hech qanday sharoitda ham yaqin kelajakda "Real"ni tark etish niyatida emas. Xabaringiz bor, Antonio Ryudiger Saudiya Arabistoni chempionati klublarining radarida.

Transfermarkt portali markaziy himoyachining narxini 25 million yevroga baholagan va uning La Liga giganti bilan shartnomasi 2026 yilning o‘rtalariga qadar amal qiladi.