Nistelroy qo‘l ostida «MYU» mag‘lub bo‘lmadi

«Manchester Yunayted» jamoasi bosh murabbiy vazifasini bajaruvchi Rud van Nistelroy boshchiligidagi 4-uchrashuvini o‘tkazdi va APL 11-turida «Lester»ni mag‘lub etdi – 3:0.

11 noyabr kuni jamoani Ruben Amorim qabul qilib oladi.

Ushbu 4 o‘yinda «MYU» 3 marta g‘alaba qozongan va 1 marta durang o‘ynagan. Umumiy hisob 11:3.

Avvalroq «Yunayted» Yevropa Ligasida PAOKni 2:0 hisobida mag‘lub etgan, Angliya chempionatida «Chelsi» bilan ochko bo‘lishib (1:1), Angliya Liga kubogi 1/8 finalida «Lester»ni (5:2) yer tishlatgandi.

«Manchester Yunayted» niderlandiyalik mutaxassis boshchiligidagi birorta uchrashuvda mag‘lub bo‘lmadi.