Olmo "Barsa" "Real"ni haqli ravishda yirik hisobda yutganiga ishonadi

Dani Olmo "Barselona" "Real"ni haqli ravishda 4:0 hisobida mag‘lub etganiga ishonch hosil qilgan.

- "Real" sizlarni "El-Klasiko"da past baholagandek tuyulmadimi?

- Yo‘q, mutlaqo unday emas. Bu "El-Klasiko", bu yerda hech kim raqibini past baholamaydi. Bu hurmatsizlik bo‘lardi va albatta maydonda o‘z aksini topardi.

Men ishonaman, biz shunchaki kuchliroq edik, o‘z imkoniyatlarimizdan yaxshi foydalandik, o‘yin rejamizni muvaffaqiyatli amalga oshirdik va juda muhim bo‘lgan uch ochkoni qo‘lga kiritdik, - dedi "Barselona" yarim himoyachisi.