Kubarsi "Barselona"ning himoyaviy o‘yin uslubi haqida gapirdi

"Barselona" markaziy himoyachisi Pau Kubarsi jamoasining o‘yin uslubi haqidagi savolga javob berdi.

Yakshanba kuni "ko‘k-anorranglilar" yana g‘alaba qozonishdi – bu safar "Espanyol"ni mag‘lub etishga muvaffaq bo‘lishdi (3:1). Xans-Diter Flik jamoasining raqiblari yana muntazam ravishda ofsaydda qolishdi - olti marta.

"Biz raqibni ofsaydga tushirish uchun har doim juda baland himoya chizig‘ida o‘ynashga harakat qilamiz. Bu xavfli, lekin bu bizning ishimiz. Hakamlar VARga o‘tishganda, biz allaqachon bilamizki, gol o‘yindan tashqari holat uchun bekor qilinadi, lekin ba’zida bu nozik masala", - dedi 17 yoshli Kubarsi o‘yindan keyingi intervyusida.