Lempard «Manchester Yunayted»ning eng kuchsiz tarafini aytdi

Mashhur sobiq futbolchi va murabbiy Frenk Lempard «Manchester Yunayted»ning kuchsiz tarafi nimada ekanligini aytdi.

APLning o‘ninchi turidan o‘rin olgan uchrashuvda mankunianliklar «Old Trafford»da «Chelsi» bilan durang o‘ynadi (1:1). Gollarga 70 va 74-daqiqalarda Brunu Fernandesh va Moyses Kaysedo mualliflik qilishdi.

Uchrashuvdan so‘ng «Chelsi»ning afsonaviy sobiq yarim himoyachisi «qizil iblislar»ning o‘yinidagi yaqqol kamchilikni ta’kidladi: «Manchester Yunayted» pressing bo‘yicha ligadagi eng yomon jamoa bo‘lsa kerak”, dedi Lempard "Sky Sports" telekanalidagi o‘yin tahlilida.