Van Nistelroy "Manchester Yunayted" boshqaruvidagi faoliyatini sarhisob qilmoqda
Erik ten Xag ishdan bo‘shatilgach, Rud van Nistelroy "Manchester Yunayted"ga vaqtinchalik bosh murabbiy bo‘ldi. Niderlandiyalik murabbiy boshchiligidagi to‘rtta o‘yinda jamoa uchta g‘alaba va bir durangga erishdi.
"Mana shu to‘rtta o‘yindan unumli foydalanaylik. Menimcha, biz yaxshi ish qildik. Bu qisqa, ammo ajoyib davr edi. Biz noaniq holatda edik, lekin biz o‘z vazifamizni bajarishga va klubga yordam berishga harakat qildik.
Muxlislar meni va jamoani qo‘llab-quvvatlashdi, bu o‘zgacha lahza bo‘ldi. Biz davrni yaxshi natijalar bilan yakunladik, ammo bu muxlislarga minnatdorchilik bildirish uchun yetarli emas", dedi van Nistelroy.
Ruben Amorim dushanbadan boshlab "Manchester Yunayted" bosh murabbiyi lavozimiga kirishadi.
