FIFA 2025 yilgi klublar o‘rtasidagi jahon chempionatini translyasiya qilish bo‘yicha birorta kompaniya bilan shartnoma tuzmagan

Xalqaro futbol federasiyasi (FIFA) 2025 yilgi futbol bo‘yicha klublar o‘rtasidagi jahon chempionatini translyasiya qilish bo‘yicha hech qanday teleradiokompaniya bilan shartnoma tuzmagan, deb yozadi "The Athletic".

Xabar qilinishicha, FIFA prezidenti Janni Infantino 20 sentyabr, juma kuni turli telekompaniyalar bilan 2025 yilgi klublar o‘rtasidagi jahon chempionatiga qiziqishni oshirish masalasini muhokama qilish uchun favqulodda yig‘ilish o‘tkazgan.

Eslatib o‘tamiz, 2025 yilgi klublar o‘rtasidagi jahon chempionati 15 iyundan 13 iyulgacha bo‘lib o‘tadi. Unda olti qit’aning 32 jamoasi ishtirok etadi.