2025 yilgi klublar o‘rtasidagi jahon chempionati o‘tkazilmasligi mumkin
Kelasi yozga mo‘ljallangan klublar o‘rtasidagi jahon chempionati-2025 o‘tkazilmasligi mumkin, deb xabar beradi La Gazzetta dello Sport.
Xabar qilinishicha, hozirda FIFAda klublar o‘rtasidagi jahon chempionatini namoyish qilish uchun televideniye huquqini sotib olishni biror kompaniya istamayapti va buning uchun vaqt tugamoqda. Shuningdek, 15 iyundan 13 iyulgacha bo‘lib o‘tadigan klublar o‘rtasidagi jahon chempionati vaqtida o‘smirlar o‘rtasidagi Yevro-2025 (12 iyun - 5 iyul) va KONKAKAF Oltin kubogi (14 iyun - 7 iyul) bo‘lib o‘tadi.
Shuningdek, 2024 yilgi klublar o‘rtasidagi jahon chempionatini o‘tkazish uchun hozircha ikkita jamoa, stadion va homiylar yetarli emas.
