FIFA klublar o‘rtasidagi Jahon chempionatining yangi kubogini taqdim etdi

Xalqaro futbol federasiyasi klublar o‘rtasidagi Jahon chempionatining yangi kubogini namoyish qildi.

Ushbu sovrin 2025-yilgi turnir g‘olibiga topshiriladi. Mukofot Amerikaning hashamatli zargarlik uyi Tiffany & Co bilan hamkorlikda ishlab chiqilgan.

Mazkur musobaqaning guruh bosqichiga qur’a tashlash marosimi 5 dekabr kuni Mayamida bo‘lib o‘tadi.

2025 yildan boshlab klublar o‘rtasidagi Jahon chempionatida 32 ta jamoa ishtirok etadi. Yevropadan 12 ta jamoa, Janubiy Amerikadan 6 ta, Afrika, Osiyo va KONKAKAFdan 4 tadan va Okeaniyadan bitta jamoa ishtirok etadi. Turnirning ilk mezboni Amerika Qo‘shma Shtatlari bo‘ladi.

Eslatib o‘tamiz, 2023 yilgi klublar o‘rtasidagi Jahon chempionati yil oxirida Saudiya Arabistonida bo‘lib o‘tgan va unda “Manchester Siti” g‘olib bo‘lgan edi.