FIFA klublar o‘rtasidagi jahon chempionatiga qur’a tashlash marosimi kunini e’lon qildi

Kelgusi yozda AQSH klublar o‘rtasidagi jahon chempionatiga mezbonlik qiladi. Bu kengaytirilgan formatdagi birinchi shunday turnir bo‘ladi - 32 ta jamoa ishtirok etadi.

FIFA rasmiy sayti 5 dekabr, payshanba kuni klublar o‘rtasidagi jahon chempionatiga qur’a tashlash marosimi bo‘lib o‘tishi haqida xabar berdi.

Tadbirlar Mayamida bo‘lib o‘tadi va mahalliy vaqt bilan 13:00da (Toshkent vaqti bilan 23:00) boshlanadi.

Qur’a tashlash marosimiga qadar klublar o‘rtasidagi jahon chempionatining barcha 32 ishtirokchisi ma’lum bo‘ladi. Oxirgi yo‘llanma noyabr oyining oxirida, Libertadores kubogi final o‘yini bo‘lib o‘tadigan vaqtda o‘ynaladi.