Mudrik haqida mutaxassis: "Agar haydashni bilmasangiz, "Ferrari" sotib olmang"
2023 yil boshida "Chelsi" vinger Mixail Mudrik uchun "Shaxtyor"ga 70 million yevro to‘lagan. Biroq ukrainalik futbolchi haligacha London jamoasida to‘liq o‘ynagani yo‘q.
"Shaxtyor"ning fikricha, "aristokratlar" bu futbolchidan noto‘g‘ri foydalanmoqda. Bu haqda Ukraina klubi bosh direktori Sergey Palkin gapirdi.
"Agar haydashni bilmasangiz, Ferrari sotib olmang. Bu mening "Chelsi"dagi Mudrik haqidagi fikrim.
U maydonda o‘zgarishlarni amalga oshirishga qodir, buni Ukraina terma jamoasi o‘yinlarida ham ko‘rish mumkin. Bunday futbolchilar juda kam", - deya Palkinning so‘zlarini keltirmoqda Spox.
