Mudrikning nihoyat omadi yurishdi

Mixail Mudrik "Chelsi" safida mavsumdagi ilk golini urdi.

Ukraina terma jamoasining 23 yoshli yarim himoyachisi Konferensiyalar ligasi umumiy bosqichining 2-turidan o‘rin olgan "Panatinaikos" - "Chelsi" (1:4) uchrashuvida Joau Feliksga ikkita golli uzatma berdi va o‘zi gol urdi.

Bu Mudrik uchun joriy mavsumda "ko‘klar" safida 9 ta o‘yinda kiritgan ilk gol bo‘ldi.

U Liga kubogi va Chempionlar ligasida ham golli uzatmani amalga oshirdi. Qanot vingeri hozircha Premyer-ligada samarali o‘yin ko‘rsatgani yo‘q.