"Borussiya" Madridda mashg‘ulot o‘tkazmadi, sababi...

Nuri Shahin nima uchun "Borussiya"ning Madridda mashg‘ulot o‘tkazmaslikka qaror qilganini tushuntirdi.

Avvalroq, Dortmund klubi kuzatuvlardan qo‘rqib, ertangi Chempionlar ligasining 3-tur o‘yini oldidan "Real Madrid" maydonida mashg‘ulot o‘tkazmasligi haqida ma’lumotlar paydo bo‘lgandi.

– Nima uchun jamoa Dortmundda mashg‘ulot o‘tkazdi? Bu raqibning kuzatuvi bilan bog‘liqmi?

"Kelgusi haftalarda bizni ko‘plab safar o‘yinlari kutib turibdi va biz o‘z imkoniyatlarimizdan unumli foydalanmoqchimiz.

Men raqibning kuzatuvi haqida o‘qiganman, lekin bu bilan bog‘liq emas. Bugun biz tahlil qilish uchun har qanday video yozuvlardan foydalanish imkoniyatiga egamiz. Men shunchaki futbolchilarga uyda biroz ko‘proq vaqt berishni xohlardim", – dedi Shahin.