Shaxin nega "Borussiya"ning Madridda mashg‘ulot o‘tkazishdan bosh tortganini aytdi

Nuri Shaxin nima uchun "Borussiya" Madridda mashg‘ulot o‘tkazmaslikka qaror qilganini tushuntirdi.

Avvalroq, Dortmund klubi kuzatuvlardan qo‘rqib, bugungi Chempionlar ligasining 3-tur o‘yini oldidan "Real Madrid" maydonida mashg‘ulot o‘tkazmasligi haqida ma’lumotlar paydo bo‘lgandi.

"Kelgusi haftalarda bizni ko‘plab safar o‘yinlari kutib turibdi va biz o‘z imkoniyatlarimizdan unumli foydalanmoqchimiz. Men kuzatuv haqida o‘qiganman, lekin bu bilan bog‘liq emas. Bugun biz tahlil qilish uchun har qanday video yozuvlardan foydalanish imkoniyatiga egamiz. Men shunchaki futbolchilarga uyda biroz ko‘proq vaqt berishni xohlardim", dedi murabbiy.