"Bayer" Virsni sotishdan qancha daromad olmoqchi ekanligi ma’lum bo‘ldi

"Bayer" futbolchisi Florian Virsni kelasi yozda qo‘lga kiritish qiyin bo‘ladi.

Hujumkor yarim himoyachiga "Bavariya", "Manchester Siti", "Real" va Yevropa futbolining boshqa gigantlari qiziqish bildirmoqda. Bayern & Germany xabariga ko‘ra, "dorichilar" o‘z yulduzlari uchun kafolatlangan to‘lovlar sifatida taxminan 90-100 million yevro, qo‘shimcha ravishda bonuslar yoki o‘yinchilar evaziga so‘rashadi.

Yaqinda "Bayer" 21 yoshli germaniyalik futbolchini "Bavariya"ga qo‘yib yuborishni rejalashtirmayotgani ma’lum bo‘ldi, bu esa futbolchining xorij klubiga o‘tish imkoniyatini oshiradi.