Gvardiola "Manchester Siti" bilan shartnomasini uzaytirishga yaqin – Football Insider

"Manchester Siti" bosh murabbiyi Pep Gvardiola germaniyalik mutaxassis Tomas Tuxel Angliya terma jamoasini qabul qilib olganidan keyin klub bilan kelasi yozda yakunlanadigan shartnomasini uzaytirishga yaqin turibdi. Bu haqda Football Insider xabar bermoqda.

Manbaga ko‘ra, Tuxel tayinlanishidan oldin Angliya futbol assotsiatsiyasi terma jamoalar bilan ishlashga qiziqqan Gvardiola bilan bog‘langan. Biroq tomonlar hamkorlik bo‘yicha kelishib olishmagan. Hozirda Gvardiola "Manchester Siti" bilan yangi bir yillik shartnoma imzolash variantini ko‘rib chiqmoqda.

Avvalroq OAVda Gvardiola kelasi yozda ingliz klubini tark etsa, uning o‘rnini "Sporting" ustozi Ruben Amorim yoki "Bayer" ustozi Xabi Alonso egallashi mumkinligi haqida ma’lumotlar paydo bo‘lgandi.