Jezusning jarohat darajasi ma’lum bo‘ldi

Gabriel Jezus jarohati tufayli uzoq muddat maydonga tusha olmasligi mumkin.

"Arsenal" hujumchisi "Manchester Yunayted"ga qarshi o‘yinda (1:1, penaltilar bo‘yicha 4:5) jarohat olib, Bruno Fernandesh bilan to‘qnashuvdan keyin noqulay vaziyatga tushib qolgandi.

The Athletic jurnalisti Devid Ornshteynning xabar berishicha, braziliyalik futbolchi tizzasidagi xochsimon paylarini shikastlab olganlikda gumon qilinmoqda.

Bugun forvard jarohatining og‘irligini aniqlash uchun qo‘shimcha tekshiruvlardan o‘tadi.