Musiala "Bavariya"dan nimani so‘ramoqda?

Yarim himoyachi Jamol Musiala va "Bavariya" hali shartnomani uzaytirish borasida kelishuvga erisha olishmadi.

Yosh yulduzning amaldagi shartnomasi 2026 yilning o‘rtalariga qadar mo‘ljallangan. Myunxen klubi Musiala bilan yangi uzoq muddatli shartnoma imzolamoqchi, biroq muzokaralar davomida muammo yuzaga keldi. Sport Bild xabariga ko‘ra, 21 yoshli futbolchi shartnomada tovon puli bandi kiritilishini talab qilmoqda - "Bavariya" bu shartni qabul qilishni istamayapti. Aynan shu tafsilot tufayli munozaralar cho‘zilib ketdi.

Ma’lumki, Jamol Musiala taklif qilingan shartnomani imzolasa, "Bavariya"ning eng ko‘p maosh oluvchi futbolchilaridan biriga aylanadi.