"Liverpul" Musiala uchun taklif vaqtini kutmoqda
"Bavariya"ning hujumkor yarim himoyachisi Jamol Musiala "Liverpul"ning kuzatuvida. Mersisaydliklar Musiala uchun taklif berish uchun to‘g‘ri vaqtni kutmoqda.
Avvalroq, 21 yoshli Musialaning o‘zi yaqin vaqtda uning kelajagi haqida hech qanday yangilik bo‘lmasligini aytgandi. Jamolning amaldagi mehnat shartnomasi 2026 yilning o‘rtalariga qadar tuzilgan.
2024/2025 yilgi mavsumda Jamol Musiala barcha turnirlarda 22 ta rasmiy o‘yin o‘tkazdi. Ularda yarim himoyachi 14 ta gol urdi va 6 ta golli uzatmani amalga oshirdi.
