APL. "Liverpul" ta’qibchisi bilan farqni saqlab qoldi (turnir jadvali)

"Liverpul" 6 ochkolik farq bilan APL peshqadami bo‘lib turibdi.

Arne Slot shogirdlari bugun "Nottingem Forest" bilan ochkolarni bo‘lishdi (1:1) va sentyabr oyida boshlangan mag‘lubiyatsiz seriyasini uzaytirdi. Mersisaydliklar 20 o‘yindan so‘ng 47 ochkoga ega bo‘lsa, "o‘rmonchilar" 21 o‘yindan keyin 41 ochkoga ega.

"Arsenal" 20 o‘yindan keyin 40 ochko bilan uchinchi, "Chelsi" esa 21 o‘yindan keyin 37 ochko to‘plagan holda to‘rtinchi o‘rinni egallab turibdi. "Nyukasl" (20 uchrashuvdan keyin 35 ochko) "ko‘klar"dan o‘zib ketishi mumkin.