"Yuventus" yarim himoyachisi Madridga yo‘l olishi mumkin
"Yuventus" yarim himoyachisi Artur Melo faoliyatini Ispaniyada davom ettirishi mumkin.
Mundo Deportivo xabariga ko‘ra, braziliyalik futbolchiga Madridning "Atletiko" klubi qiziqish bildirmoqda.
Qayd etilishicha, kelishuv Tom Lemar ketgan taqdirdagina ushbu transfer amalga oshishi mumkin. "Barselona"dagi o‘yinlari bilan mashhur bo‘lgan 28 yoshli Artur "Yuventus"da bu mavsumda bir marta ham maydonga tushmadi.
Braziliyalik yarim himoyachining Turin klubi bilan amaldagi shartnomasi 2026 yilning 30 iyuniga qadar mo‘ljallangan bo‘lib, uning transfer qiymati besh million yevroga baholanmoqda.
