Arteta Angliya liga kubogida foydalanilgan to‘plardan norozi bo‘ldi

Mikel Arteta Angliya liga kubogida foydalanilgan to‘plardan norozi.

"Arsenal" ustozi "Nyukasl"ga qarshi turnirning yarim final birinchi uchrashuvidan (0:2) so‘ng o‘z fikrlarini bildirib o‘tdi.

"Bu shunchaki boshqacha, Premyer-ligadagi to‘pdan juda farq qiladi, unga moslashish kerak - u boshqacha uchadi. Unga tegilsa, oyoqqa moslashishi ham boshqacha, shuning uchun siz ko‘nikishingiz kerak.

Biz yo‘llagan zarbalar to‘sin ustidan oshib ketdi (“Arsenal” 23 marta zarba berdi, nishonga 3 tasi aniq bordi), bu oson bo‘lmadi", dedi Arteta.