“YUventus” xavbekiga ikki ispan klubi qiziqmoqda

Turinning “Yuventus” klubi yarim himoyachisi Artur Melo qishki transfer oynasida Ispaniyaga ko‘chib o‘tishi mumkin.

Sport45 xabariga ko‘ra, braziliyalik yarim himoyachiga "Jirona" va "Betis" klublari qiziqish bildirmoqda.

Qayd etilishicha, «Yuventus» Arturni sotishdan taxminan 15 million yevro daromad olishni kutmoqda, ammo turinliklar muhokamaga tayyor.

Braziliyalik futbolchini "Jirona" va "Betis"dan tashqari "Komo", "Benfika" va "Marsel" klublari ham ko‘rishni istashmoqda. 28 yoshli Artur joriy mavsumda maydonga tushmadi.