"Everton" futbolchisi o‘g‘liga qarshi maydonga tushishi mumkin
"Everton" futbolchisi Eshli Yang Angliya kubogi 3-bosqichida "Piterboro Yunayted"da to‘p tepayotgan o‘g‘li Tayler Yangga qarshi o‘ynashi mumkin.
Jamoalar 2025-yil 11-yanvar kuni o‘zaro o‘yin o‘tkazadi. 39 yoshli Eshli "Everton"da 2023 yilning yozidan buyon o‘ynamoqda.
Eshli Yang faoliyatining avvalida “Uotford”, “Manchester Yunayted”, “Inter” va “Aston Villa” klublarida ham to‘p tepgan.
Futbolchi Angliyaning asosiy jamoasi safida 39 ta o‘yin o‘tkazib, 7 ta gol urgan. Yang Angliya va Italiya chempioni, shuningdek, Yevropa ligasi g‘olibi hamda Angliya kubogi va liga kubogi g‘olibi hisoblanadi.
