Kolarov Serbiya yoshlar terma jamoasini boshqaradi
“Manchester Siti” bilan ikki karra Angliya chempioni va “Inter” bilan Italiya chempioni Aleksandr Kolarov Serbiya yoshlar terma jamoasiga bosh murabbiy etib tayinlandi, deb xabar bermoqda Serbiya futbol ittifoqi matbuot xizmati.
38 yoshli mutaxassisning shartnomasi 2027 yilgi Yevropa chempionati oxirigacha amal qiladi.
Kolarov futbolchilik faoliyati davomida "Lasio", "Manchester Siti", "Roma" va "Inter" klublarida o‘ynagan. Serbiya terma jamoasi safida 94ta o‘yin o‘tkazib, 11ta gol urgan.
