Mata "Vestern Sidney Uonderers" futbolchisiga aylandi

Ispaniya terma jamoasi safida jahon va Yevropa chempioni Xuan Mata “Vest Sidney Uonderers” jamoasi safiga qo‘shildi, — deya xabar bermoqda Avstraliya jamoasi matbuot xizmati.

Qayd etilishicha, 36 yoshli futbolchi bilan shartnoma bir mavsumga tuzilgan. Mata "Vissel Kobe" bilan shartnomasi tugaganidan keyin shu yilning fevral oyidan beri erkin agent bo‘lib turibdi.

Ilgari ispaniyalik futbolchi 2011/12 yilgi mavsumda Chempionlar ligasida g‘olib chiqqan. "Galatasaroy", "Manchester Yunayted" va Londonning "Chelsi" klublarida to‘p tepgan.