"Napoli" ketma-ket beshinchi g‘alabasiga erishdi va A Seriyada peshqadamlikni qo‘lga oldi (turnir jadvali)

"Napoli" g‘alabali seriyasini 5 ta o‘yinga yetkazdi.

Antonio Konte shogirdlari A Seriyaning 20-turida "Verona"ni (2:0) mag‘lub etdi. Bungacha ular "Udineze" (3:1), "Jenoa" (2:1), "Venesiya" (1:0) va "Fiorentina" (3:0) klublarini mag‘lub etgandi.

Neapolliklar Italiya chempionatida 20 o‘yindan keyin 47 ochko bilan peshqadamlik qilmoqda. "Inter" 18 uchrashuvda 43 ochko bilan ikkinchi o‘rinda bormoqda. "Atalanta" 19 o‘yindan keyin 42 ochkoga ega. "Lasio" 20 o‘yindan so‘ng 36 ochko bilan kuchli to‘rtlikni yakunlab turibdi.